ماما ، أجمل حد في الدنيا ، العيد بتاعها كان من كام يوم ، بس أنا ماكنتش أعرف ، بابا أكيد جاب لها هدية حلوة ، بس أنا ماجبتش حاجة علشان أنا لسه صغير ومش بأعرف أشتري أي حاجة ، بس الهدية بتاعت بابا أكيد هو قال لها إنها بتاعتي، وقدمها لها بإسمي ، أيوة ، أصل بابا دايما بيعمل لي الحاجات إللي مش بأعرف أعملها لسه علشان أنا طفل صغير ، زي أنه يكتب لي البوست ده مثلا ، نرجع بقى لماما ، أنا بأحبها قوي قوي قوي ، هي فاكرة إني بأحب بابا أكتر ، بس في الحقيقة لأ ، أنا صحيح بأتفق مع بابا عليها كتير ، بس ده لأني بأحس إن بيني و بين بابا حاجات مشتركة كتير قوي ، لكن مشاعري من جوة ، ماما فيها نمرة واحد ، وساعات بأتغاظ من بابا جدا لما بأحس إن ماما مهتمه بيه أكتر مني ، هي أول حد بأفكر فيه لما بأفتح عنيا الصبح ، وهي آخر حد بأفكر فيه قبل ما أنام ، وطول الوقت بأحاول أكون جنبها و في حضنها ، ماعدا الوقت بتاع الأكل و الوقت بتاع الدوا ، في الوقتين دول بأهرب منها ، وهي تجري و رايا و تضحك ، آه نسيت ، وكمان وقت البامبرز إحم إحم ، هي بتقول إني مجننها ، بس هي مبسوطة بالشقاوات دي ، المهم إنها مبسوطة ، وأنا فكرت إني أكتب لها البوست ده علشان أقول لها كل سنة و إنتي طيبة يا أحلى و أجمل و أحن أم في الدنيا ، ربنا يخليكي لينا أنا و بابا
حركات
- بابا حبيبي (2)
- علشان ماما (1)
- مغامراتي مع ماما (2)
- من ماما بوبو (1)
شقاواتي اللي فاتت
-
▼
2010
(4)
- ◄ يونيو 2010 (1)
- ◄ أبريل 2010 (1)
- ◄ فبراير 2010 (1)
-
◄
2009
(3)
- ◄ ديسمبر 2009 (2)
- ◄ نوفمبر 2009 (1)
الخميس، 25 مارس 2010
أجمل حد في الدنيا
الاشتراك في:
تعليقات الرسالة (Atom)
انا معاك يا بيكاااااااا
ردحذفبقول لماما كل سنة و هيا طيبة و اجمل و احن و اطيب الأمهات
و حاجة كمان
مامتك رومانسية قوى يا واد يا عمر
يعنى ايه الكلمة دى ؟؟
رومانسية دى يعنى ست حنينة
و حبوبة
و بتحب بابا قووووووووووى
مش كل ماما عند صحابك
هتلاقيها بتحب باباه كدا
انتا عندك حاجة مش عند حد
خلى بالك قوى يعنى تتفشخر كدا
و محدش قدك
ربنا يخليلك ماما و بابا
و يخليكم انتوا التلاتة لبعض
و لينا و لكل اللى بيحبوكم زينا
و خلاص بقى احنا مش المفروض نبطل البامبرز دا بقى ؟!!
بوسات و حضونات لحد ما اشوفك يا حبيبى
يا شيكا بيكا
بس من غير مقالب أنتيكا و النبى
أمووووا عشان مبعرفش اديهالك بجد
بتنكسف و تعمل حركات و تتقل و كدا
ربنا يخلي لك ماما وبابا يارب طول العمر ويخليك ليها
ردحذفوتبقى الابن اللى تتمنى تشوفه وتفتخر بيه
و دايما تسمع كلامها مش تزعلها ولا تتعبها