وحشتني يا بابا.. انت هتيجي امتى؟ من ساعة ما مشيت وانا نايم.. خايف اصحى احس بغيابك.. بقالك يوم ونص مش موجود.. انا بحب العب كورة معاك اكتر من ماما.. انا بحب ماما بس بحس ان اللعب معاك احلى وله طعم تاني.. وبحب اوي لما ترميني للسقف.. وبحبك اوي لما تحب تشاكس ماما وتغير كلام الاغنية اللي هي بتغنيها معايا ، وبدل
twinkle twinkle little star
تخليها انت
uncle uncle don't cry
وماما تتغاظ وتقولك يا وليد بلاش تعلمه الكلام غلط .. وانت تضحك وتغنيهالي غلط من وراها .. وبحب اقعد جنبك في العربية واربط حزام الامان وانت جايبني من الحضانة .. بحس انك معتبرني راجل وكبير ومن حقي اقعد جنبك.. هتيجي امتى عشان اصحى استناك ؟
انا بشجع و بتسفيق حااااد و الله من القلب
ردحذفمستنى اوى جدا
هو كل الجوزاء مبدع و انا عارفه
بس بجد تسلم اديكى
الجواز وسنينه
ردحذفمنورة مدونة الاستاذ بيكا ابني الجميل
تصدقي فعلا برج الجوزاء مبدعين؟ انتي جوزائية وهتفهميني.. برج الجوزاء دول كلهم رقة وذوق وجاذبية وابداع و.. و.. و.. يلا مش عاوزين نمدح في نفسنا لحسن حد يقول علينا مغرورين ولا حاجة .. منورة دايما
ان شاء الله يا عمر ما يغيبش بابا عنك تاااااااانى ابداااااااااااااا وتفضلوا انت وهو وماما دايما مع بعض
ردحذفواحشنى ياعمر باشا قوووووووووى