اول مغامرة كانت وانا لسه جوة بطن ماما.. كنت بفضل طول الليل العب كورة.. اصلي بحب الكورة اوي ، وكنت بحس بماما وهي بتكلمني وتقولي: نام يا عمر ربنا يهديك مش وقت لعب يا حبيبي.. بس انا بصراحة مكنتش بسمع الكلام
لما خرجت من بطن ماما فضلت برضه احب الكورة ، وعشان كدة عندي كورة في البيت وكورة بتاعتي سايبها عند تيتاه مامت ماما ، وكورة في الحضانة ، وهنشتري كورة نسيبها عند تيتاه مامت بابا
شفتو بحب لعب الكورة ازاي؟
حركات
- بابا حبيبي (2)
- علشان ماما (1)
- مغامراتي مع ماما (2)
- من ماما بوبو (1)
شقاواتي اللي فاتت
-
◄
2010
(4)
- ◄ يونيو 2010 (1)
- ◄ أبريل 2010 (1)
- ◄ فبراير 2010 (1)
-
▼
2009
(3)
- ◄ ديسمبر 2009 (2)
- ▼ نوفمبر 2009 (1)
الأحد، 29 نوفمبر 2009
الاول
الاشتراك في:
تعليقات الرسالة (Atom)
انا اول تعليق
ردحذفاول تعليق و النبى
واد يا عموووووووورة
انا طنطك فاتيما يا قمر
فاكرنى و لا نسيت
لو نسيت منص يفكرك يا مجرم
وحشتنى انت و ماما و بابا
مبروك ع المدونة يا عم
حلوة قوى ...و مبروك عليك و علينا
انا مشتاقة اسمع المغمورات و الشقاوات و الرسومات و اللعبات و كل الحاجات
حلوة الغنوة بتاعة الحروف دى
و جايزة ماما كمان ..انت فعلا أشطر ولد فى دنيتها يا حبيبى
و الطف حاجة بقى حكاية بيكا دى
ابطل انا اقول يا عمورة و اندهك بيكا
بس تقول لبابا لو يسمح يعنى يقولنا ليه بيندهك كدا
متجاوبنيش دلوقتى
إسأله و بعدين إبقى غكتب بوست فى هذوها الموضوع
بحبك قوى يا جميل انت
و مدونتك هتنضاف لأصدقاء يوسف المدونين الصغار اللطاف
مهند إبن عمو وليد عارفة مش عارف ليه
و فريق الزعر و لاد طنطن إيمان مكاوى
و فادى غبن عمو المراكبى
و يسوفة حبيبى أبن طنطك فاتيما يا واااااد
ألف مبروك يا حبيبى
عقبال كل البدايات الحلوة كلها
ما تبقى من نصيبك يا بنى
أبوس براحتى بقى
بوسة و حضونااااااااااات
اهم شي ما تطلع لاعب كوره!!
ردحذفعمورة حبيبى وبيكا بيكا إيه يعنى هو فيه حد أحسن منك
ردحذففاكرنى طبعا مش معقول تفتكر الخلقة اللى جيت بيتها ونورتها وأنت لسة عندك شهر
بس أنا فاكرة اليوم كله بتفاصيله وأكيد ماما هتحكيلك عنه
واحشنى جداااااااااااااااا
ويارب أشوفك قريب أنت وماما وبابا
باااااااااااااى يا بيكا ومنتظرين باقى الحكايات
طنط فاتيما
ردحذفطبعا فاكرك يا طنط.. هي الناس الحلوة دي تتنسي؟ وبعدين منص بيلعب معايا وانا مطلع عينه بصراحة.. عضعضة وبوس وشقلباظ في الهوا وحركات .. ماما بتقول انه لو كان يعرف طريق القسم كان راح اشتكاني.. مش عارف ليه يا طنط بتقول كدة؟ مع اني نسسسسسسسسسسسسسمة
اسم بيكا دا هابقى انزل عته بوست مخصوص.. واهو بابا برضه ميزعلش ان اول بوست كان عن ماما.. نديله هو تاني بوست وخلاص
يوسف دا يا طنط حبيبي واخويا الكبير ولازم لما يرجع قريب باذن الله يعتبر نفسه اخويا الكبير ويمارس مهام الاخوية من تعليم لعب وضرب وشقاوات زيادة وكل الحركات دي
انا بحبك اوي يا طنط وماما كمان بتحبك اوي ودايما تدعيلك
نورتيني حضرتك
طنط اقصوصة
والله يا طنط انا شايف ان الانسان الكويس يخدم البشرية والاسلام في اي مكان يتحط فيه.. لسه مش عارف عاوز اكون ايه ومش عاوز ماما وبابا يفكروا بدالي.. عشان كدة هستنى كام سنة وازور حضرتك في مدونتك اقولك انا قررت اكون ايه باذن الله.. نورتيني يا طنط
طنط بوسبوس
طبعا يا طنط فاكر وفاكر اني نمت طول اليوم.. بس فاكر كمان انك كنتي بتلاعبيني لما بروح مع ماما وبابا اجتماعات علي صوتك.. ازاي انساكي بس يا طنط؟ دا انا ولد جامد وذاكرتي زي الافيال تمام مبنساش حد ولا حاجة خالص.. خصوصا لما يكون حد حلو زي حضرتك
يا رب اقدر اشوف حضرتك يوم بؤجة الخير باذن الله
نورتيني يا طنط
بيكا
إنت يا ولد إنت
ردحذفقاعد هنا تلعب وسايب هدومك مرمية في كل حته
وكمان لعبك في كل مكان
فين ريموت الريسيفر يا ولد
فين موبايل بابا .. هاته ياأبني ده عليه نمر الشغل كلها
ياأبني شيل الأكل بتاعك من على الأنتريه
فين كوبّايتك ،، حاتشرب في إيه دلوقت ؟
ياحبيبي بطّل لعب في الثلاجة
ياأبني ماتخبّطش كده في حاجات المطبخ ,, صدعتنا
أخيراً نمت
إيه البراءة إللي إنت فيها دي وإنت نايم
ناااااااااااام
نوم الظالم عبادة
_____________________
KING TOOOT
لا انا مليش دعوة
ردحذفلازم تكتبوا هنا تانى
بجد فكرتها حلوة قوى
بس انتوا كتبتوا بوست واحد بس ليه
كدا ازعل
بابا حبيبي
ردحذفمنورني يا بابا.. كدة برضه بتشخط فيا قدام الناس؟ شكلي هيبقى وحش اوي.. ارجوك يا بابا خلي الفضايح دي في البيت وبس
عمو محمود
وحشتني يا عمو ومبسوط جدا ان الفكرة عجبتك.. انا خلاص رايح اكتب بوست تاني ... عشان حضرتك متزعلش بس
بيكا