الثلاثاء، 27 مارس 2012

انا كبرت :)






وبمووووووووووووووت في القطط


ويا ريت محدش يسالني مين عمو اللي بيرسمني دا؟ اهو واحد وخلاص.. المهم انا

4 شجعوني:

  1. طبعاااا المهم إنتا
    انتا يا حبيبى
    زى القمررررررررررر
    وكبرت يا بيكا وبقيت راجل
    انا عاجبنى كل الصور
    اللى وشك باين فيها
    واللى بتخبيه بعيد
    والصورة اللى مع القطة دى غايظنى
    فين صورتك مع سيمبا ولا خلاص اتنسى ؟!!!
    أسككككككت
    مش اخته اللى كانت قاعدة عندنا طفشت م البيت وهربت
    مامتى سابت باب الشقة مفتوح شوية صغننة راحت شكشوكة جارية على برا وماما مخدتش بالها ...
    قعدنا ندور عليها ف كل حتة
    ملقينهاش
    عااااااااااااااااااااا
    عملنا اعلان حتى يمكن حد يلاقيها ويرجعهلنا
    محدش لاقها ..
    عاااااااااااااااااااااا .. تانى

    معلش
    بكرة نجيب قطة جديدة
    وتخلف
    واديك سيمبا جديد
    ويبقى عندى شكشوكة جديدة
    ماشى ؟

    طيب

    أنا عاوزة أقول حاجة كمان

    آه

    المدونة بتاعتك بقى شكلها حلو قووووووووى
    جبت منين الشكل الحلو دا

    أنا عاجبنى القطر اللى فوق دا
    عاوزين مرة نركبه سوا
    ونروح فييييين
    اسكندرية انا بحب اسكندرية ايه رأيك ؟!
    انا ليا هدية م اللى ف الآخر دول
    صح ؟؟؟


    ايه تانى
    آه
    أهم حاجة بقى
    انا مبسوووووووطة خااااااااالص
    عشان هيبقالك أخ او اخت
    لسه منعرفش بقى
    بس ماما شايلة بيبى و بيكبر يوم بيوم جوا بطنها
    و منعرفش هيطلع بنوتة ولاّ ولد
    أنا عموما عارفة انك هتحبه قوى
    وتخلى بالك منه
    عشان انتا الكبير وانتا الاخ الشطورة
    اللى عارف كل حاجة وهو هيبقى صغنن ومش فاهم وانتا هتفهمه
    وهتلعب معاه و متخليش حد يضايقه ..صح ؟
    زى ما كنت بتعمل مع سيمبا وأكتر ...
    أنا عارفة انك شطورة
    أنا بحبك قوى يا بيكا
    وبحبك بزيادة عشان انتا مامتك وباباك حبايبى
    وانا بقول الحمدلله انى عرفتهم
    وانهم أصدقائى و الواحد جايز يلاقى أصحاب كتير
    واصدقاء كمان كتير
    بس لما يبقوا اصحاب واصدقاء وأخوات فى نفس واحد كدا ...
    مبتحصلش كتير
    انا مبسوطة انى عرفتكم كلكم كلكم ...
    و الحمدلله ربنا حققلى امنيتى وهتزيدوا واحد كماااان
    وانا معاكم وجنبكم ...


    خلى بالك من نفسك يا بيكا
    ومن اخوك أو اختك اللى جاية ف السكة
    وخلى بالك من ماما لو سمحتتتتتتتت
    متتعبهاش والنبى عشان هيا تعبانة
    تخيل كدا لو انتا شايل سيمبا طول الوقت طول الوقت
    مش هتتعب ؟!!
    هيا شايلة البيبى طول الوقت طول الوقت ...
    ولازم نحاول نساعدها ...

    بابا كمان
    عاوزاك تساعده بقى
    وتخليه يعرف انك كبرت بجد
    وبقيت راجل زيه بالضبط ...وكدا

    ربنا يخليك ليهم يا حبيبى
    ويفرحنا كلنا بيك

    أنا بحببببببك يا واد انتا
    والصور حلوة قوى
    وانتا احلى واحلى ...

    وصباح الورد عليك

    بوسات وحضونات قد كداااااااااا


    http://kidmin1124.com/wp-content/uploads/2011/04/love-300x298.gif

    ردحذف
  2. طنط تيما
    وحشتيني يا طنط جدا جدا.. كل يوم اقول لماما فين سيمبا؟ تقولي راح لمامته عشان هو صغير وهي بتعيط وتقول عاوزة سيمبا.. اقولها هنكلم طنط تيما واقولها عاوز سيمبا.. بس هي مش بتقولك مش عارف ليه؟
    الشكل الجميل دا ماما اللي جابته.. سهرت مرة بالليل عشان تعملي حاجة حلوة تعجبني.. انا بحب اركب القطر بس عاوز اروح (مؤيط أنطي).. ماما بتقول ان اسمه المحيط الاطلنطي وانا شفت الميه في التليفزيون وعاوز اروحه.. ايه رايك تيجي معايا؟ كل ما اقل لبابا يقولي هبقى اجيبلك طيارة تروح بيها.. تعالي معايا انتي يا طنط عشان ننطططططط في الميه ونشوف سمكة القرش الشريرة اللي كانت عاوزة تاكل توم وهو ضربها
    ممممم.. انا مش عارف ان ماما شايلة بيبي.. هي قالتلي تحب نجيب بيبي يا بيكا؟ قلتلها اه يا ماما.. قالتلي تحب ولد ولا بنت قلتلها اني عاوز بيبي ولد وبيبي بنت.. بس مش عارف هي هتجيبلي البيبي امتى؟
    هي طبعا تعبانة وبتقولي بطني بتوجعني يا بيكا، وانا بقولها سلامتك يا حبيبتي.. هسالها عن البيبي اللي في بطنها دا
    فين بقى يوسف يا طنط تيما؟ ماما قالت انه هييجي يلعب معايا.. هو كويس؟ قوليله بيكا بيسلم عليك.. وممكن نبقى ناخده معانا مؤيط أنطي، وطبعا طبعا هنديله كل الهدايا.. معلش يا طنط هو ياخد الهدايا المرة دي والمرة الجاية هجيب لحضرتك هدية مخصوص ليكي
    انا بحبك اوي يا طنط وماما وبابا كمان بيحبوكي.. بيتكلموا عنك طول الوقت.. وبيحكوا عنك لمنة.. منة اللي قاعدة في الاوضة بتاعتي.. بنت طنط فيفي.. ابقي اسالي ماما عنها
    حضن كبييييييييييييييييير وبوستين

    ردحذف
  3. طنط بسكوتة
    ميرسي يا طنط.. حضرتك كمان جميلة اوي.. ماما بتقول عليكي كده
    نورتيني يا طنط

    ردحذف